நீண்ட நேரம் அமர்ந்திருந்து வேலைகளில் ஈடுபடுவோர் சிறு சிறு இடைவேளைகளை எடுத்துக் கொள்வது ஆரோக்கியமானது என ஆய்வாளர்கள் தெரிவித்துள்ளனர். சிறு சிறு இடைவேளைகளை எடுத்துக் கொள்வதன் மூலம் உடலை ஆரோக்கியமாக பேண முடியும் என சுட்டிக்காட்டியுள்ளனர். குறிப்பாக இருதயம் மற்றும் முதுகு பகுதிகளுக்கு இவ்வாறான இடைவேளைகளின் மூலம் நன்மை ஏற்படுவதாகத் தெரிவிக்கப்படுகிறது. ஒரு நிமிடம் எழுந்து நிற்றல், அல்லது படியேறுதல் போன்ற நடவடிக்கைகள் கூட சிறந்த உடற்பயிற்சியாக அமையும் என ஆய்வாளர்கள் சுட்டிக்காட்டியுள்ளனர். நீண்ட நேரம் அமர்ந்திருப்பது உடல் நலனுக்கு தீங்கினை ஏற்படுத்தக் கூடுமென ஆய்வாளர்கள் தெரிவித்துள்ளனர். அவுஸ்திரேலியாவின் குயின்ஸ்லாந்து பல்கலைக்கழக ஆய்வாளர் டொக்டர் ஜெனீவய்வ் இந்த ஆய்வை நடத்தியுள்ளார். இருபது வயதுக்கும் மேற்பட்ட சுமார் ஐயாயிரம் பேரிடம் ஆய்வு நடத்தப்பட்டுள்ளது. சீரான உடற்பயிற்சி இருதய நோய்களை கட்டுப்படுத்தும் என ஆய்வாளர்கள் சுட்டிக்காட்டியுள்ளனர். |
0 கருத்துகள்:
கருத்துரையிடுக