வட்டித் தொழில் செய்பவரிடம் வேலை செய்யலாமா?

வட்டித் தொழில் செய்பவரிடம் வேலை செய்யலாமா?
ஏ. பாத்திமா நிஸா
அம்மாபட்டிணம்
வட்டித் தொழில் நடக்கும் அலுவலகங்களில் கண்டிப்பாக வேலைக்குச் செல்லக் கூடாது. ஏனெனில் நபி(ஸல்) அவர்கள் வட்டித் தொழில் தொடர்புள்ள அனைத்தையும் சபித்துள்ளார்கள்.
வட்டி வாங்குபவரையும், வட்டி கொடுப்பவரையும், அதை எழுதிக் கொடுப்பவர்களையும், அதன் இரு சாட்சிகளையும் நபி (ஸல்) அவர்கள் சபித்தார்கள்.
அறிவிப்பவர்: ஜாபிர் (ரலி)
நூல்: முஸ்லிம் (3258)
நபி (ஸல்) அவர்கள் வட்டிக்குத் துணை போகும் அனைத்தையும் சபித்துள்ளதால் இந்தத் தொழிலில் நாம் வேலை செய்யக்கூடாது. அதே நேரத்தில் ஒருவர் வட்டித் தொழில் செய்கிறார், அவர் வீட்டில் வட்டியில் தொடர்பு இல்லாத வேலைக்குச் சென்றால் அதைத் தடுக்க முடியாது. எனினும் நல்ல மனிதர்கள், நல்ல தொழில் செய்பவர்களிடம் வேலை செய்வது சிறந்ததாகும். நல்ல பண்பாட்டையும் நல்லொழுக்கத்தையும் நமக்குக் கிடைக்க அது வழிவகை செய்யும். கெட்டவர்களிடமும் கெட்ட தொழில் செய்பவர்களிடமும் நாம் சேரும் போது அவர்களின் கெட்ட செயல்கள் நமக்கும் ஒட்டிக் கொள்ள அதிக வாய்ப்பு உள்ளது.

Posted in: மார்க்க கேள்விகள்